Оқшауланған желідегі үшінші тарап бағдарламаларының осалдықтарын түзету туралы
Оқшауланған желідегі үшінші тарап бағдарламаларындағы осалдықтарды түзету процесі суретте көрсетілген және төменде сипатталған. Сіз бұл процесті мезгіл-мезгіл қайталай аласыз.
Интернетке қатынасу мүмкіндігі бар Басқару сервері мен оқшауланған Басқару серверлері арасында патчтар мен қажетті жаңартулар тізімін беру процесі
Интернет желісінен оқшауланған әрбір Басқару сервері (бұдан әрі – оқшауланған Басқару сервері) осы Басқару серверіне қосылған басқарылатын құрылғыларға орнатылуы қажет жаңартулар тізімін қалыптастырады. Қажетті жаңартулардың тізімі арнайы қалтада сақталады және екілік файлдар жиынтығы болып табылады. Әрбір файлда қажетті жаңарту қамтылған патч идентификаторы келтірілген атау бар. Нәтижесінде, тізімдегі әрбір файл белгілі бір патчты көрсетеді.
Сыртқы құрылғының көмегімен сіз қажетті жаңартулар тізімін оқшауланған Басқару серверінен интернетке қатынасу мүмкіндігі бар бөлектелген Басқару серверіне көшіресіз. Осыдан кейін, бөлектелген Басқару сервері интернеттен патчтарды жүктейді және оларды бөлек қалтаға салады.
Барлық патчтар жүктеліп, өздеріне арналған арнайы қалтаға орналастырылған кезде, сіз патчтарды қажетті жаңартулар тізімін алған әрбір оқшауланған Басқару серверіне жылжытасыз. Сіз патчтарды өздеріне арналған арнайы қалтаға оқшауланған Басқару серверінде сақтайсыз. Нәтижесінде, Қажетті жаңартуларды орнату және осалдықтарды түзету тапсырмасы патчтарды іске қосады және оқшауланған Басқару серверлерінің басқарылатын құрылғыларына жаңартуларды орнатады.